Índice >> Ferramentas para a igualdade e a conciliación >> Ferramentas para avanzar na igualdade no ámbito laboral e na conciliación >> Plans de conciliación da vida laboral, persoal e familiar
Plans de conciliación da vida laboral, persoal e familiar
| Recursos na rede |
Como explicamos anteriormente, os plans de igualdade xerais, e especialmente os elaborados polas empresas, incorporan en moitas ocasións apartados específicos que recollen medidas para a conciliación. Noutras ocasións, este conxunto de medidas adquiren entidade propia e agrúpanse no seu propio plan de conciliación. Moitas empresas, por exemplo, non dispoñen dun plan de igualdade pero si dun plan de conciliación da vida persoal, familiar e laboral. Estes plans de conciliación aplícanse e engloban todas as persoas traballadoras na empresa.
Ademais, na unidade 3 imos describir un conxunto de ferramentas que permiten elaborar plans de conciliación en empresas ou accións puntuais para a conciliación (catálogo de boas prácticas para a conciliación, ferramentas para facer diagnoses -fichas, guieiros de entrevistas...-, metodoloxía para a aplicación de boas prácticas, guías metodolóxicas para a elaboración de plans de conciliación, ferramentas de avaliación etc.).
No que atinxe aos plans de conciliación elaborados pola administración, ímonos centrar, a modo de exemplo, no plan autonómico que contempla a política de conciliación. Actualmente, a Xunta de Galicia está desenvolvendo o Plan de fomento da corresponsabilidade. Este plan recolle un amplí- simo conxunto de medidas destinadas a avanzar na consecución da corresponsabilidade e a conci- liación da vida persoal, familiar e laboral. Como xa explicamos anteriormente, a corresponsabili- dade e a conciliación son caras da mesma moeda, no sentido de que non pode haber conciliación se non hai corresponsabilidade por parte de homes e mulleres na asunción das obrigas familiares.
O Plan de fomento da corresponsabilidade está estruturado nas seguintes áreas:
- Cambio de papeis e estereotipos sociais.
- Conciliación dos tempos persoais e sociais.
- Extensión dos servizos comunitarios.
- Recursos complementarios de conciliación.
- A conciliación como depósito de emprego.
|
ÁREA 2. CONCILIACIÓN DOS TEMPOS PERSOAIS E SOCIAIS SUBÁREA 2.1. FOMENTO DO USO CORRESPONSABLE DAS MEDIDAS DE CONCILIACIÓN |
|---|
|
Acción 2.1.2. Axuda para a redución da xornada do pai para o coidado de fillos/as meno-
res de 3 anos. Financiamento parcial compensatorio pola diminución dos ingresos como consecuencia da xornada. |
| SUBÁREA 2.3. FOMENTO DA REORGANIZACIÓN DOS TEMPOS DAS EMPRESAS |
|
Acción 2.3.7. Titorías de corresponsabilidade empresarial. Posta en marcha dun servizo de diagnóstico e asesoramento na elaboración dun plan de corresponsabilidade a medida da empresa. |
Táboa 8: accións do Plan de fomento da corresponsabilidade. Xunta de Galicia. Fonte: elaboración propia a partir do documento do Plan.
|
ÁREA 3. EXTENSIÓN DOS SERVIZOS COMUNITARIOS SUBÁREA 2.1. MELLORA DOS SERVIZOS PARA A INFANCIA |
|---|
|
Acción 3.1.2. Aumento do horario ofertado polas escolas infantís. Definición duns horarios de atención que cubran toda a xornada laboral das persoas a cargo do/a menor. Acción 3.1.3. Creación dunha “rede de canguros”. |
| SUBÁREA 2.3. MELLORA E AMPLIACIÓN DOS SERVIZOS DE ATENCIÓN ÁS PERSOAS DEPENDENTES |
|
Acción 3.2.3. Creación de servizos de apoio no fogar: lavandaría, comida, telefarmacia. Acción 3.2.4. Ampliación da cobertura no servizo “Xantar sobre rodas” nun 141%. A través deste servizo unha persoa que non pode desenvolver esta actividade por si mesma poderá solicitar a recepción no seu fogar do xantar diario. |
Táboa 9: accións do Plan de fomento da corresponsabilidade. Xunta de Galicia. Fonte: elaboración propia a partir do documento do Plan.
Antes de rematar este apartado debemos facer mención ao Plan Concilia elaborado polo Ministerio de Administracións Públicas. Este plan recolle o conxunto de medidas para a conciliación que beneficia aos traballadores e traballadoras da Administración xeral do Estado. Na seguinte táboa recollemos algunhas das medidas máis importantes.
| MEDIDAS PARA A CONCILIACIÓN DO PLAN CONCILIA |
|---|
|
Táboa 10: accións do Plan Concilia da AGE. Fonte: elaboración propia a partir do documento re- sumo do Plan.
