Fomento do emprego en empresas de economía social. Promoción do cooperativismo

Solicitudes:

As solicitudes de axudas e subvencións presentaranse nos rexistros das respectivas delegacións provinciais da Consellería de Traballo, ou por calquera das formas previstas no artigo 38.4º da Lei 30/1992, do 26 de novembro, modificada pola Lei 4/1999, de 13 de xaneiro, de réxime xurídico das administracións públicas e do procedemento administrativo común.

A persoa beneficiaria do aboamento de cotas á Seguridade Social deberá presentar unha única solicitude por tódalas mensualidades ás que teña dereito no prazo de seis meses contado desde o derradeiro día do primeiro mes no que teña dereito ao aboamento.

Documentación:

A solicitude deberá presentarse no modelo normalizado que figura como anexo a orde e deberá ir acompañada, do orixinal ou fotocopia compulsada, dos seguintes documentos:

1. Copia do DNI ou NIF do/da solicitante.
2. Copia da resolución do director ou directora provincial do Servicio Público de Emprego Estatal pola que se aproba o aboamento da totalidade da prestación contributiva por desemprego nun único pagamento.
3. Boletín de cotización á Seguridade Social da primeira mensualidade pola que se solicita o aboamento e, se é o caso, boletíns de cotización correspondentes ás mensualidades xa aboadas no momento da presentación da solicitude.
4. Declaración comprensiva do conxunto de tódalas solicitudes de axudas efectuadas ou concedidas, para a mesma finalidade, perante as administracións públicas competentes ou outros entes públicos ou privados (segundo o modelo do anexo III da Orde de convocatoria). Ou, de ser o caso, unha declaración de que non se solicitaron nin percibiron outras axudas ou subvencións (no modelo de solicitude).
5. Ficha de transferencia bancaria e certificado da entidade financeira acreditativo de que a persoa solicitante é titular da conta corrente que indica.