Fomento do emprego en empresas de economía social. Promoción do cooperativismo

Beneficiarios/as

Poderán ser beneficiarias das axudas previstas neste programa, as cooperativas de servizos sociais e de integración social, debidamente inscritas no Rexistro de Cooperativas de Galicia, que realicen as actividades obxecto deste programa durante o ano 2008. Tamén poderán ser beneficiarias aquelas cooperativas de calquera clase que realicen as súas actividades no eido dos servizos sociais, así como as cooperativas de segundo grao e outras formas de colaboración económica que poidan establecerse entre cooperativas.

Modalidades e contía das axudas

1. Poderán ser obxecto de subvención ata o 75% dos gastos ocasionados con motivo de:
   1. Incorporación como socios/as ou contratación de traballadores/as sociais, psicólogos/as e outros/as profesionais de especial cualificación que resulten necesarios para a viabilidade da empresa e unha adecuada prestación do servizo. A subvención calcularase sobre o importe total da contratación ou incorporación computada para un período máximo dun ano, debendo respectar o disposto para a contratación de asalariados/as pola lexislación vixente de cooperativas, de ser o caso, e non poderá superar a contía de 18.000 euros por cooperativa. A xustificación desta subvención realizarase mediante achega da documentación establecida no artigo 8º.3 da orde de convocatoria
   2. Adquisición dos medios materiais que resulten necesarios para a prestación do servizo e redunden directamente na mellora da súa calidade, ata un máximo de 30.000 euros por cooperativa.
   3. Organización de programas innovadores e de prestacións e servizos adicionais de proximidade, que complementen e melloren o servizo prestado pola cooperativa aos usuarios, así como a implantación de procesos e sistemas de xestión da calidade e a realización de actividades formativas dirixidas aos/ás socios/as e traballadores/as áreas directamente relacionadas coa prestación dos seus servizos profesionais e coa xestión empresarial cooperativa, ata un máximo de 10.000 euros por cooperativa

Requisitos para a incorporación de profesionais e para a prestación de servizos

Debe garantirse a cualificación e solvencia profesional, tanto do persoal incorporado como dos servizos prestados, de ser o caso, acreditando os seguintes requisitos:

• Titulación académica oficial suficiente para a prestación do servizo.
• No caso de contratación de servizos externos, a persoa ou entidade contratada deberá exercer a actividade con caracter principal, e indicar os principais servizos realizados nos últimos tres anos. De se tratar de persoas xurídicas, o posuidor da titulación debera acreditar o seu vínculo coa entidade.

Contía máxima

Con caracter xeral a contía máxima subvencionable neste programa non pá superar os 40.000 euros por cooperativa. Se a beneficiaria é unha cooperativa de segundo grao ou algunha outra forma de colaboración económica, esta contía poderá ascender a áximo de 100.000 euros.