Benvidos á páxina web do Consello Galego de Cooperativas.

Esta ferramenta de xestión integrada pretende actuar como punto de encontro entre estas entidades, proporcionando información sobre o cooperativismo e fomentando o intercambio de experiencias. Entre os seus servizos específicos destaca a Plataforma de Teleformación do cooperativismo e de apoio ás actividades formativas, o centro de documentación e biblioteca, un servizo de novas, a asesoría cooperativa, os cursos de formación, a bolsa de traballo e o servizo de consultoría.

Con eles preténdese informar, do xeito máis completo e accesible, sobre as últimas accións e medidas promovidas dende o Consello Galego de Cooperativas, dende as asociacións de cooperativas, a Consellería de Traballo e outros departamentos autonómicos, así como das iniciativas de interese para o sector, promovidas polos diferentes axentes públicos e privados.

Esta páxina servirá tamén de foro no que as cooperativas, as súas asociacións, os particulares e a propia Administración galega intercambiarán informacións de xeito inmediato e actualizado. A estes contidos engadiranse todos aqueles que a realidade demande, pois trátase dun portal dinámico, destinado a medrar e a converterse en referencia obrigada para o mundo cooperativo.

A nosa aposta para o futuro pasa por poñer en práctica actuacións como esta, que teñen como finalidade promover e consolidar a fórmula empresarial cooperativa, contribuíndo, deste xeito, ao desenvolvemento económico e social da nosa Comunidade Autónoma.

Ricardo Jacinto Varela Sánchez
Presidente do Consello Galego de Cooperativas