As nosas protagonistas teñen claro que queren un traballo no que podan ser as súas propias xefas, tomar as súas propias decisións e non traballadoras por conta allea. Dalgún xeito están a decidi-la creación dunha empresa propia e colectiva, na que participar todas. O que no eido empresarial se define como sociedade.

É importante loitar por unha idea e sentirse capaces de levala a cabo. Para poder sacala adiante o primeiro é ter o desexo firme de querer facelo. A ilusión de por en marcha algo noso é o combustible ecolóxico que fará camiña-lo noso proxecto, pero que as ganas non nos confundan: non fagamos como a leiteira do conto nen pensemos que todo vai ser doado e, moito menos, inmediato. O noso compromiso debe ser ilusionante pero tamén realista e serio.

Que non nos enganen nin nos enganemos: ter a nosa empresa vai esixir traballo extra para organizarnos, para decidir quen e como se fan as cousas, asignando responsabilidades claras e tomando decisións que van ter consecuencias, as veces positivas e outras non tanto. Nosa será tamén a satisfacción de facelas ben e o disgusto de facelas non tan ben.

IDEA > INFORMACIÓN > ASESORAMENTO