Cooperativas de Galicia

Debe terse en conta que, para certos supostos, a Lei de cooperativas de Galicia establece determinadas asimilacións. Así, cando a cooperativa asocia a persoas que aportan o seu traballo persoal, complementariamente . A regulación específica da clase de cooperativa que se trate, tamén lle resulta aplicable a normativa de cooperativas de traballo asociado.

Para o cumprimento e desempeño de fins comúns de índole económico, dúas ou máis cooperativas poderán constituir cooperativas de segundo grao.

Así mesmo, para a defensa e promoción dos seus intereses, as cooperativas poderán asociarse libre e voluntariamente en unións, federacións e confederacións de cooperativas.

Os estatutos sociais

Os estatutos sociais, que son obrigatorios, regulan a estructura e funcionamento interno da sociedade cooperativa, debendo regular unha serie de aspectos que a lei esixe como contido mínimo obrigatorio e que poden agruparse como: de identificación e ámbito, de estructura social, de goberno e xestión da sociedade, e de xestión económica e financieira. Así mesmo, poderán conter aqueloutras normas que os socios teñan por convinte, sempre que non resulten contrarias a lei.

Ó longo da vida da sociedade, os estatutos poderán modificarse coas formalidades previstas na lei, sendo necesaria a posterior inscrición da modificación estatutaria segundo os trámites previstos no Regulamento de Rexistro de Cooperativas.

O regulamento de réxime interno

Como instrumento áxil que plasme as relacións internas, a cooperativa pode ter un regulamento de réxime interno. Os socios teñen plena autonomía para establece-lo seu contido, sempre que o mesmo non contradiga nin ós estatutos sociais nin á lei, podéndose establecer no mesmo cuestións tales como tipificación de faltas leves, organización do traballo, organigramas empresariais, etc.

A regulación legal en Galicia

Galicia ten competencia exclusiva en materia de cooperativas en virtude da transferencia feita pola Lei orgánica 16/1995, do 27 de decembro (BOE 28.12.95), que ampliou a competencia orixinaria recollida no art. 28.7 do Estatuto de Autonomía. Con data 30.12.98 no DOG nº 251, publicouse a Lei 5/1998 do 18 de decembro de cooperativas de Galicia (Ir a Asesoría Virtual) que desde a súa entrada en vigor, o primeiro de marzo de 1999, regula as sociedades cooperativas galegas. En desenvolvemento das previsións contidas na lei galega, publicáronse os seguintes decretos: